KRALENDIJK – Dia 4 febrüari próksimo ta dia internashonal di e malesa Kanser. Enkonekshon ku e dia aki, Stichting Prinses Wilhelmina Fonds Bonaire (SPWFB) ta organisá un enkuentro general i habrí na Sentro La Union, kaminda La Union 11. Riba e dia aki Sra. Shahaira Libier lo duna mas informashon tokante e proyekto di “Screening pa Kanser na Pechu”. Sra. Leticia Thielman lo fokùs riba uso di produktonan natural. Aparte di esaki, por haña mas informashon di tur otro tipo di e malesa Kanser i kon e Fundashon ta funshoná. Riba e dia aki tin oportunidat pa registrá komo kliente. Nos meta ta i lo keda pa sigui konsientisá pueblo, kon pa kuida nos kurpa i risibí informashon kon pa atendé ku e malesa di Kanser. Orario di enkuentro ta: Mainta 10:00 – 12:00 Am i Atardi 17:00 – 19:00 Pm

Pueblo en general ta kordialmente invitá.

Share This
error: Content is protected !!