KRALENDIJK – Djabièrnè 31 di yanüari Parke Wilhelmina a wordu kombertí den un eksposishon grandi di pintura. E muchanan di grupo 6 di Skol Amplio Papa Cornes, grupo 7 di Kolegio Strea Briante, Grupo 7a di Skol Pelikaan, Grupo 8a/b di Kolegio Kristu Bon Wardador i Grupo 8 di Kolegio San Bernardo a haña lès tokante derecho di mucha i a traha un pintura di esaki. Kada pintura a partisipá pa gana. Pa kada skol a saka un pintura ganadó. Ta konvertí e pintura aki den un ‘script’ ku lo bai filma. Diputado Nina den Heyer tambe tabata presente i hiba palabra na momentu ku a saka e ganadónan.

E evento aki no ta solamente den kuadro di e kompetensia di pintura. Tabatin sinku stènt di organisashonnan ku kada unu a skohe un derecho di mucha ku ta pas serka nan. Nan a trata e temanan di forma aktivo ku e muchanan durante di e evento. E organisashonnan ku a partisipá ta: Sentro pa Hubentut i Famia, Kuido pa Hóben i Bienestar di Famia, Voogdijraad, Stinapa i Entidat Públiko.

E aña aki Boneiru lo ta e sentro di e festival di pelíkula tokante derecho di mucha di Unicef, edishon Karibeño. E evento aki ta antesala di e estreno di tur e 5 pelíkulanan ku lo traha na Boneiru. For di esakinan tambe lo skohe un pelíkula ganadó, pero esei no ta tur kos. Despues di e estreno lo organisá un gran final na Boneiru entre tur e 6 islanan.

Pintura ganadó Kolegio Kristu Bon Wardador grupo 8B – Shurylianne Juliana (Nuni)
Pintura ganadó Skol Pelikaan grupo 7A – Nathan
Pintura ganadó Skol Amplio Papa Cornes grupo 6A – Diana Victoria
Pintura ganadó Kolegio Strea Briante grupo 7 – Silvanna Wout
Pintura ganadó Kolegio San Bernardo 8B – Jeadapearl Janga
Share This
error: Content is protected !!