KRALENDIJK – Periodo 2 ta tras di lomba i SGB/VMBO ta duna oportunidat na mayornan pa papia ku e dosentenan riba e resultado di e di dos rapòrt.

Pa e motibu aki ta rekordá tur mayor ku tin yu na VMBO, riba e “tafeltjes avond” ku lo tuma lugá djaweps 6 di febrüari, di 7’or pa 9’or anochi na SGB. Pa partisipá na e “tafeltjes avond” aki mester inskribí via magister.

SGB a manda invitashon pa mayornan via magister. Pa e mayornan ku no ta disponé di un “emailadres”, a manda un karta ku informashon kon pa inskribí via magister. Riba e “website” www.sgbonaire.com tambe a pone instrukshon kon pa inskribí.

Mas aleu ta enfatisá ku inskripshon ta solamente posibel via magister i ku inskripshon lo sera djadumingu 2 di febrüari, 12’or anochi.

Mayornan ku di un òf otro manera no por drenta magister pa inskribí, por yama na 715-7777 i pidi pa departamentu di atministrashon ku lo por astistí den esaki.

Share This
error: Content is protected !!