KRALENDIJK – Hubert “Ibi” Pikerie ku ta na kabes di rèfrinan di nos isla, den e programa Deporte99 djarason ultimo, a hasi yamada na hóbennan pa sigui kursonan pa bira rèfri ya ku tin futuro komo rèfri.

FFB tin nesesidat di mas rèfri pa dirigí weganan di kampionato futbòl kuminsando ku weganan di kampionato hubenil i sigui pa senior.

Nos isla tin nesesidat di mas rèfri, ya ku pa loke ta trata hubenil so tin basta wega pa siman.

Tin desaroyo i tin mas tim a bini aserka.

Momentu ku kuminsá tambe ku kampionato femenino e aña aki, sigur mester di mas rèfri.

Asina ku logra un kantidat di 8 pa 10 kursista o mas, lo laga un intruktor bini fo’i Kòrsou pa duna e kurso.

Abo hóben ku ta interesá i ke bira rèfri, ata bo oportunidat.

Bo ke bira un rèfri profeshonal kuminsando ku weganan hubenil i sigui bai ariba, nos ta kere ku esaki ta bo oportunidat pa sigui kursonan pa bira rèfri i hasi karera komotal.

Pa inskribí pa e kurso pasa na ofisina di FFB na kaya Caracas òf yama sr. Ibi Pikerie na 786-2975 pa mas informashon tokante esaki.

Bo no tin nada di paga, e kurso ta grátis.

Share This
error: Content is protected !!