BARBADOS – E barku Aida Perla di e kompania Aida Cruises ku a sali Boneiru dia 27 di yanüari último, a wòrdu prohibí pa mara na haf di St Lucia. Informashon nan ku notisia Live99 ta disponé di dje ta indiká ku e motibu pa kual a prohibí entrada di e barku na St Lucia djasabra 1 di febrüari último, ta pa prekoushon kontra Coronavírùs. Ounke no tin ningun turista abordo konfirmá ku e vírùs, tin un grupo di persona basta grandi ku tin infekshon di trakto respiratorio. Algun ta bastante malu ku sintomanan sospechoso. Dominica tambe a nenga entrada di e barku.

E barku tin un total di 3286 pasahero i ta planiá pa regresá Boneiru atrobe djaluna 10 di febrüari próksimo. No Boneiru so, pero Kòrsou i Aruba tambe.

No ta konosí ki paso gobièrnu di Boneiru konhunto ku e departamentu di Salubridat Públiko lo bai tuma relashoná ku e informashon konfirmá aki.

Share This
error: Content is protected !!