KRALENDIJK – Elekshon Reina Prens i Pancho hubenil 2020 a tuma lugá na Jong Bonaire djasabra último. Ounke kuminsando un poko for di ora, sala tabata yen yen i un kantidat di hende pafó di e sala. Un bochincha enorme di parti di fanátikonan i ambiente total loke ta relatá na e aktividat. Despues ku a presentá huradonan, a kuminsá ku presentashon ofisial di e partisipantenan. Tur partisipante a presentá 2 biaha riba esenario loke nan a praktiká. Kada un a haña nan aplouso den e sala despues di nan presentashon. Sigur nan a trese un bon mensahe loke ta bon pa muchanan ku a bishitá e aktividat. Diputado Nina den Heyer tabata presente pa entregá premio huntu ku presidente di Klave Gabriel Pourier. 

Aki Resultado di elekshon Reina Prens i Pancho Hubenil 2020.

Reina Infantil 2020: Monisha Anthony.  

Reina Hubenil 2020: Arlene Statia i 1’e Finalista Rusaini Nicasia.

Prins i Pancho Hubenil 2020: Sainick Boezem [Prens Mohamed] i Patrick George [Pancho Zohamer].

1’e Finalista ta Mauricio Troncon [Prens kantadó] i Diomey Janga [Pancho bailadó].

Premio mihó Entrenadó a bai pa Johnrick Anthony pa tantu Reina Hubenil i Duo Prens i Pancho Hubenil.

Share This
error: Content is protected !!