KRALENDIJK – Hues G. Edelenbos a habri e kaso despues ku luna pasá ya a trata gran parti di esaki den korte. El a menshoná ku biaha pasa a posponé e kaso debí na sierto motibu. Awe ta finalisá e kaso i dikta sentensia. Fiskal J. Blanko tabata presente i a kontinuá ku tratamentu final di e kaso. Akusado Ramon V. a dirigí algun palabra i despues hues a dikta sentensia i sera e kaso. Hues Edelenbos: ”Ta trata di un kaso di maltrato i mi ta mir’é di e forma aki. E víktima a denunsia algu i e ta keda para riba loke el a deklará. Tambe el a menshoná ku e no ke pa bo risibí un kastigu pisá. Tin prueba di tur loke a sosodé, i tin potrèt di e markanan na kurpa di e dama. Bo a obligá e dama pa hasi sèks loke no ta korekto. Mi a yega na e konklushon di 3 aña kastigu di prison di kua 1 aña kondishonal i 3 aña di prueba,” hues a sera e kaso bisando.   

Share This
error: Content is protected !!