KRALENDIJK – Maurison “Mau” Martines for di siman pasa ta den eksterior. Huntu kuné for di Kòrsou Aldemar Henriquez kende ta e fotógrafo.

Entre otro nan a saka algun potrèt na Al Sawadi Beach. E boneriano konosí komo “Mau”, pa medio di “Iamdeathrow” a risibí e invitashon i a biaha pa Oman na “Oman International drift event” / “Oman Automobile Association”, kaminda a haña akseso pa e evento i sera konosí ku e shofùrnan internashonal. Stunthamza a pèrkurá pa e trep i a laga nan sera konosí ku e kultura na Muscat, Oman.

Mau a konta ku meta di e presentashon den eksterior ta pa “Iamdeathrow” duna e islanan di Karibe ku ta Boneiru i Kòrsou, pone nan den lus pa asina por atraé mas turista pa e islanan menshoná. Promé stòp tabata Muscat, Oman i e siguiente presentashon ta na Dubai, kaminda na ta bai ‘Collab’ ku “Hollandi, SultiStunt”. Banda di loke el a menshoná tin mas plan pendiente. Entre otro pa bishitá Jhonnasburg, Bangladesh i Melborne. Sherman Emers, Aldemar Henriquez ta “video director” i Alexander Hanst komo “stunt rider” ta huntu ku “Mau” den eksterior loke el a konta Radio Live 99.9 FM. Algu tremendo loke “Mau” ta hasi den eksterior sakando kara di Boneiru i laga hendenan hopi leu konosé i tende algu di Boneiru. Algun potrèt di “Mau” i otronan na Muscat, Oman. Radio Live99 ta deseá “Mau” tur klase di éksito.

Share This
error: Content is protected !!