KRALENDIJK–Awe mèrdia 4 persona a papia ku prensa relashon ku e enfermedat di ‘Corona virus’.

Alcira Janga –Jansen hefe di salubridat públiko a papia i el a duna informashon alkaso di ‘Corona virus’. “E chèns pa e vírùs yega área di Caribe ta mínimo. Boneiru ta prepará pa por atendé, si akaso e vírùs yega Boneiru. Tin palabrashon ku haven mester, KMAR, hospital, dòkter di kas, tambe ku TCB entre otro, si tin kualke situashon relatá na ‘Corona virus’ por atendé,”Janga–Jansen a menshoná.
Despues a papia dòkter Izzy Gerstenbluth Arts Epidemoloog pa medio di konferensiá di video. “El a elaborá tokante e miedu di e ‘Corona virus’. “For di momentu ku China a menshoná ku tin un vírùs nobo, tur hende a drenta pániko. Corona vírùs no ta algu nobo ya e tabata eksistí. Promé ku a reportá, ya e vírùs tabata kana su kaminda sin ku a tuma nota di dje. No tin remedi pa kuré. Hende di edat ku ta debil por hañ’é vírùs rápido. No ta fásil pa e vírùs yega aki banda,” dòkter Gerstenbluth a menshoná. El a duna un idea kon e vírùs ta desaroyá i plama na China.
Seguidamente a papia Saskia Autar ‘Infectioloog’ na Fundashon Mariadal, kende a menshoná kon prepará Fundashon Mariadal ta relashoná ku ‘Corona virus’.    Último persona kende a dirigí palabra tabata diputado Nina den Heyer. “Hopi ta komentá tokante e vírùs. Spera awor ku a haña e i formashon, e hende ta poko mas trankil. Boneiru ta prepará si akaso algu presentá ku tin di aber ku e ‘Corona virus’,”entre otro diputado den Heyer a menshoná.   

Share This
error: Content is protected !!