KRALENDIJK – Den siman tras di lomba hues a trata e kaso kaminda e hóben di fam Domacassé a risibí diferente hinká. Hues a habri e kaso i a kuminsá papia ku un di e akusadonan i el a konta kiko tur a sosodé. Tambe tin un grabashon di loke a sosodé. Hues a bisa ku el a mira 2 hende kana bai den direkshon di Domacassé dia e problema a tuma lugá, i tabata abo ku un bòter den man, esta Derrick K.. El a konta na polis ku e tabatin bòter den man, sinembargo no a dal Domacassé. Hues a bisa ku riba e grabashon ta visibel loke bo a hasi esta abo a dal Domacassé promé. Stefan S. a konta hues ku e tabatin kuchú den su poder debí ku e tabatin problema ku algun hende di Kòrsou i el a bai kuné pa spantanan si nan presentá. Akusado Stefan a konta ku Derrick a aserk’é i a bis’é ku e tin problema ku un persona i asina nos a kana bai direkshon di Domacassé.    

Hues a menshoná ku víktima Domacassé a risibí 5 hinka di kuchú serio i algun mas.  

Derrick a bisa di ta sinti’e malu pasobra e por a evitá loke a sosodé. Hues a opta pa stòp tratamentu di e kaso i ta kontinuá 13 di mei 2020. Esaki debí ku hues ke haña diferente informashon mas pa por trata e kaso ku kontenido.

Share This
error: Content is protected !!