KRALENDIJK –Reina di karnaval hubenil 2020 Arlene Statia, “tòp” e tabata durante presentashon reina di karnaval hubenil. Tremendo presentashon, impreshonante pa su edat riba esenario. Indiskutibel for di momentu el a presentá i papia e promé buèlta, tabata notabel ku e damsita ta nase pa loke el a hasi riba esenario, loke diferente persona a komentá. No pa bisa  ku e otronan tabata ménos kuné. Tur ku a presentá, tantu di Reina i Prens ku Pancho a duna un bon presentashon. Ku tur trankilidat i konfiansa den su mes el a sali riba esenario i hasi loke el a bin pa hasi. Momentu ku tabata saka ganadónan di e anochi, por a skucha ku tabata menshoná ku Arlene Statia a gana i bistié e korona. Manera nan ta bisa, e ta Nasé pa e forma kon el a presentá firme riba esenario loke el a praktiká. Semper hende por faya den presentashon, loke e anochi tabata notabel serka diferente partisipante. Den kaso di Arlene no señalá un momentu di fayo. Simplemente el a sobresalí riba otronan, sigur pa e edat di 9 aña ku e tin.  

   

Share This
error: Content is protected !!