KRALENDIJK – Fundashon Mariadal sekshon “Kas di Kuido” a organisá nan aktividat “Elekshon Reina Prens i Pancho 2020”.

E aktividat a tuma lugá awe mainta na Fundashon Mariadal unda diferente miembro di famia huntu ku zùsternan i e grandinan a forma un tremendo ambiente. No ménos ku 5 partisipante a partisipá pa Reina i 2 duo pa Prens i Pancho di “Kas di Kuido”. Resultado di e aktividat ta: Juliana Goeloe Reina di Kas di Kuido 2020. Promé finalista a resultá Verenanda Nicolaas i alabes e trahe mas kreativo. Prens i Pancho 2020 a resultá e duo Winfred Angila i Wilson Nicolaas. Promé finalista Prens ku Pancho a resultá Roberto Gonzales i Ramualdo Carolina. Partispantenan pa Reina tabata Edith Bomba, Maria Winklaar, Verenanda Nicolaas, Juliana Goeloe i Maximiliana Soliano.

Share This
error: Content is protected !!