KRALENDIJK – Rudsel N. a presentá dilanti hues pa tratamentu di su kaso. Hues G. Edelenbos a puntra akusado tokante reibeweis i e akusado a konta ku e tabata kore for di 2016 sin reibeweis, debí ku el a pèrdè su reibeweis. Hues Edelenbos: ”Bo a dal e dama 3 bia fuerte den outo na su kara, tur esaki den presensia di e yu, kende tambe tabata den outo,” hues a bisa e akusado. Rudsel a konta ku el a yega kas poko lat i a haña su señora ta ‘app’ ku un persona i e ta gaña ku no ta nada malu. E ta bèl e persona pa bin serka dje i diferente kos mas.

”Abo tabatin pa un temporada largu otro muhé, dikon bo señora no por tin un amigu?” hues a puntra akusado.

E akusado a bisa hues debí ku e situashon no tabata bai bon, mi a buska un otro persona. No ta mi manera pa ta den relashon amoroso ku mas ku un muhé na mes momentu. Mi no a bisa e señora mes. Ta un otro persona mi a bisa, tipo di muhé asina mester mata nan. Kos a sali poko for di man i mi no por a dominá mi mes i mi a dal’é, akusado a konta.

Hues a kont’é ku loke el a hasi ta fastioso sigur den bista di mucha. Esaki ta nifiká hopi serka e mucha, esta e parti sentimental. Hues: ”Bo no mag dal un dama nunka. Si bo ta kere òf ta sigur ku bo señora tin un otro hòmber, bo tin ku bai lag’é i no gòlpi’é. Bo a mara kabuya na su garganta ku mal intenshon”, hues a bisa e akusado. E akusado a bisa hues e kosnan ku testigu i e dama a konta no ta bèrdat. “No ta tur loke nan a konta ta bèrdat. Mi a mar’é na su garganta ku kabuya i momentu el a bai for di dje pa algun minüt, mi a pone na suela i kita e kabuya, akusado a konta. Hues a bis’é kon ta posibel tur hende ta gaña i abo so ta bisa bèrdat? Hues a menshoná diferente kos mas ku a sosodé den e kaso. Akusado a bisa hues ku semper e tabata ke tin un muhé ku ta mama di tur yunan ku mi tin sinembargo momentu e muhénan ripara mi ta un persona trankilo, nan ta probechá i asina kosnan a sali for di man, akusado a konta den sala di korte. Hues a menshoná ku e ta dikta sentensia di e kaso 20 di febrüari 2020.  

Share This
error: Content is protected !!