KRALENDIJK – Awe djadumingu algu promé ku 7’or di anochi a tuma lugá un aksidente di tráfiko entre 2 outo di famia na altura di Parke Tului na Playa Pabou. Shofùr di un Toyota Yaris a subi kaminda sin tuma nota ku un Nissan Tida tabata aserkando riba kaya Grandi. E choke tabata unu inevitabel. E Toyota Yaris a dal den banda di e Nissan Tida ku konsekuensia ku shofùr di e outo aki a pèrdè kòntròl i basha kurá di un kas abou. Ambos vehíkulo a risibí basta daño material. Ambulans a presentá na e sitio pa un chekeo médiko pero no tabata nesesario pa transportá ningun persona pa hòspital. CRS ta kontinuá ku e investigashon.

Share This
error: Content is protected !!