KRALENDIJK – Último dianan tin un ‘challenge’ nobo ku ta wòrdu práktika bou di muchanan/hóbennan rònt mundu i esaki a yega nos isla. E ‘challenge’ aki tin partisipashon di 3 mucha, den kua e 2 nan na banda ta hak esun meimei su pia na momentu ku e bula, ponele kai ku tur konsekuensia ku esaki por tin kuné. Entre otro dor di kai riba bo atras, esei por tin konsekuensia serio pa bo bista. Bo por pèrdè bo bista, keda paralisá òf si bo kai malu bo por haña impakto fuerte na kabes. Tin indikashon di asta resultado di morto na Paisnan afó. Live99.9 FM ta hasi un yamada fuerte na mayor(nan) pa papia serio ku nan yu(nan) tokante konsekuensia di e ‘challenge’ aki ku ta wòrdu práktika sea na skol òf den nan ora liber i pa stòp ku esaki di forma inmediato! Yamada ta bai na skolnan tambe pa atendé e asuntu aki serio pa evitá desgrasia.

Share This
error: Content is protected !!