KRALENDIJK – Giovanni Mercera a toka pa último bia den studio di Radio Live 99.9 FM djabièrnè 7 di febrüari. Giovanni ta stòp ku e programa di mainta sinembargo e ta kontinuá pronto for di Hulanda ku un programa na Radio Live 99.9 FM. Un di e trahadónan di promé momentu pa Radio Live 99.9 FM. For di Radio Digital Giovanni tabata huntu ku Aimed Ayubi i a kontinuá huntu ku Aimed algun tempu despues ku a pasa di Radio Digital pa Radio Live 99.9 FM. Giovanni awor ta bai Hulanda i “DJMarv” ta remplas’é. Doño di Radio a gradisié pa e aña nan ku el a forma parti di e tim i semper e tei pa traha i yuda momentu ta nesesario. Niun dia el a keda kas pa motibu di malesa. “Ora bo sali, laga e porta habri pa bo regresá momentu ku bo ta deseá,” tabata entre otro palabranan di Aimed Ayubi i Marichelle Bosnie. “Son Boneriano” ta agrupashon musikal ku ta dirigí pa Giovanni i el a konta ku e grupo ta kontinuá ku eksistensia.

1 ta bai i 2 ta bin” 

Shaëdra Baromeo lo ranka sali ku e programa nobo “Hot spot” i Evion Roch ku “E Fiesta Musikal”. Nan ta e dosnan ku ta bai forma parti di e radio mas skuchá i gustá na Boneiru. Pronto ta skucha nan stèm na Radio Live 99.9FM. Den oranan di atardi koleganan i konosí a topa un momentu, asina kombersá, saludá i tuma despedida di Giovanni i yama bon bini na koleganan nobo.

Kombinashon di potrèt aktividat despedida di Giovanni.


Share This
error: Content is protected !!