KRALENDIJK – E di 35 festival di tumba hubenil a tuma lugá djasabra anochi den stadion Antonio Trinidad na Rincon. 3 partisipante tabatin i kada 1 a duna tremendo presentashon. Promé kantante tabata Jurion Ascencion ku un komposishon di Chendell Beaumont kompaña pa “Whopper band”. Di 2 partisipante tabata Juriella Josephia ku un komposishon di Johny i Dwight Leoneta kompañá pa “Krioyo Band”. Di 3 i último partisipante tabata Irlenska Martinus kende tabata Reina di tumba hubenil 2019. E tambe tabata kompañá pa “Krioyo Band” defendiendo su korona. E kompositor tabata Nataniel Melaan. Despues den ‘showtime’ a presentá riba esenario Aaliyah Heyliger kende ta di 3 finalista den festival di tumba hubenil na Kòrsou i Rei di tumba hubenil di Kòrsou Chrysander Leonora. Despues a kontinuá ku e parti di resultado final di festival di tumba hubenil.

Mihó letra: Waw! ”Fantastiko”.

Kompositor ganadó: Djoni Leoneta.

Areglista ganadó: Dwight Leoneta.

Segundo finalista: Jurion Ascencion – Un karnaval positivo

Promé finalista: Irlenska Martinus – Karnaval bo ta di fiesta

Reina di tumba hubenil 2020 a resultá Juriella Josephia – Waw! ”Fantastiko”


Share This
error: Content is protected !!