KRALENDIJK – Akusado Carlos P. a presentá den sala di korte sin abogado. E tin 3 akusashon riba dje i hues a bis’é ku abogado ta nesesario sigur pa loke ta trata un di e akusashonnan. “7 di mart 2019 bo tabata enbolbí den un kaso di ladronisia na Kooyman, 23 di mart bo tabata manehá outo sin seguro, tampoko reibeweis den bo poder, ” hues a bisa e akusado. Hues a bis’é di e 3 akusashonnan, 1 sigur ta kos di atendé, esta esun di ladronisia na Kooyman. Hues a bis’é tambe ku ta nesesario pa un abogado pa yud’é pa loke ta trata e parti di kastigu. Despues ku hues i akusado Carlos P. a papia, akusado a bisa hues e ta buska abogado pa tratamentu di e kaso. Awor tin un fecha nobo pa trata e kaso kaminda sospechoso ta presentá ku un abogado. Dia 22 di aprel 2020 ta trata e kaso den korte.

Share This
error: Content is protected !!