KRALENDIJK – Contour Global a hasi apertura ofisial di un parti nobo di 5 mashin ku ta forma parti di e mashinnan ku ta produsí koriente. Algun persona di Contour Global a dirigí palabra kaminda a informá kon e planta ta funshoná. Diputado Elvis Tjin Asjoe ta otro persona kende tambe a papia na e okashon. Entre otro nan a menshoná ku nan ta traha koriente i manda esaki pa WEB, i WEB na su turno ta esun ku ta distribuí koriente pa komunidat. Seguidamente a kontinuá ku e parti kaminda a kòrta sinta, hasi e parti ofisial di e parti nobo riba e tereno di Contour Global. Despues a hasi un rekorido riba tereno i a splika kon e planta ta funshoná.

Potrèt ta ilustrá un parti di e planta, e área nobo i e sekshon kaminda tin un kantidat di bateria ku ta warda reserva di koriente.

Share This
error: Content is protected !!