KRALENDIJK – Informashon ku ta sirkulá riba kaya ta, ku no ta tur mucha bou di 18 aña por kuminsá e proseso pa pasa reibeweis. Solamente si bo ta un hulandes europeo.

Radio Live 99.9 FM a tende di e situashon i a bai buska informashon tokante esaki. Un hóben boneriano di 17 aña huntu ku amigu nan na skol a tende muchanan di klas ku ta hulandes Europeo menshoná ku nan a bai tuma papel na e ofisina kaminda ta atendé ku pasamentu di reibeweis. E hóben entusiasmá a bai e ofisina i grandi tabata su sorpresa, ku nan a bisé ku e mester warda dia e kumpli 18 aña pa por atendé papelnan i pone fecha pa pasa reibeweis. Hopi desapuntá e hóben a bandoná e ofisina miéntras su amigunan di skol ku ta hulandes Europeo si ta kontentu ku apesar ku nan tin 17 aña, nan a kuminsá e proseso pa saka reibeweis. Ta trata di un hóben di Liseo Boneriano ku a topa ku e situashon. Radio Live 99.9 FM a tuma kontakto ku departamentu di reibeweis i nan a splika ampliamente kon e sistema ta funshoná i solamente un persona ku tin 18 aña, por inisiá e proseso pa pasa reibeweis. No ta importá nashonalidat. Den pasado tabata posibel pa pone fecha promé ku un hende hasi 18 aña, pa aselerá e proseso pa na momentu e kumpli 18 aña e tin un fecha mas serka posibel pa pasa reibeweis. Awor esaki NO ta posibel.   

Share This
error: Content is protected !!