KRALENDIJK – Irma de Graaf-Cicilia hefe di e departamentu di asuntunan Sivil a konta di e interes pa kasa riba e fechanan 02-02-2020 i 20-02-2020 na Boneiru. No tabata tin pareha ku a duna man pa kasa riba 02-02-2020. Pa e fecha 20-02-2020 tin 5 pareha pa kasa. Esaki ta un oumento, mirando ku e promedio di kasamentu riba un fecha komun ta 2.” 

Den pasado tabatin hopi interes pa kasa riba sierto fecha, entre otro dia di San Valentino, esta 14 febrüari. “Pero esaki a mengua. Parse ku e fecha aki no ta spesial mas pa parehanan skohe komo nan fecha matrimonial”. 

E fecha 09-09-2009 tabata unu hopi gustá. Riba e dia aki tabatin mas ku 10 pareha ku a drenta e barku matrimonial. 

Pa aña tin entre 90 i 115 pareha ku ta drenta e barku matrimonial na Boneiru. 

Share This
error: Content is protected !!