KRALENDIJK – ‘Pasadia Villa Antonia’, ‘Kurason di nos Grandinan’ a organisá nan aktividat di reina, prens i pancho. Kantidat di miembro di ‘Pasadia Villa Antonia’ tabata huntu na e sentro pa partisipá i presensia e aktividat. Pa medio di votashon a yega na e ganadónan. A eligí un Reina i promé finalista. Reina di Pasadia Villa Antonia 2020 a resultá Criselda Rosa i promé finalista Jacoba Reina. Seguidamente a eligí Prens i Pancho, ganadó a resultá: prens Erwin ‘Ginò’ Cicilia i pancho Leonardo Janga. Sra Criselda a dirigí algun palabra entre otro el a bisa ku e no a spera di bira reina di Pasadia Villa Antonia i e ta hopi kontentu. “Mi ta yama danki inmenso na tur ku a organisá e aktividat. Boso a hasi un bon trabou”. 

Djabièrnè 21 di febrüari, ‘Pasadia Villa Antonia’ ta organisá un ‘djump In’. E aktividat karnavalesko ta inisiá for di mainta.

Kombinashon di potrèt ta ilustrá parti di e aktividat.

Share This
error: Content is protected !!