KRALENDIJK – Riba kaya Internashonal, nèt den e bògt pabou di kazèrne di brantwer na e momentunan aki tin un kantidat di greis riba kaminda. Ta trata di tera i un kantidat di baranka. Pa un motibu of otro e greis a kai for di un trùk ku tabata transportando esaki. Pa straño ku por parse, shofùr di e trùk no a tuma nota di e greis ku a kai for di su vehíkulo i a sigui kore bai. Vehíkulonan ku ta tráfikando riba e kaya aki, tin ku tene kuenta den e bògt aki ya ku tin un kantidat di greis riba kaminda ku tur e konsekuensia ku esaki por tin. Shofùrnan ta uzando e karetera di tera kantu di kaminda pa evitá di kousa daño na nan vehíkulo. Mientras tantu Selibon a wòrdu yamá pa presentá ku un loader pa kita e greis i limpia e tera pa evitá ku vehíkulonan ta slep riba kaminda.

Share This
error: Content is protected !!