KRALENDIJK – Polis a aktua hopi profeshonal durante tratamentu di un kaso den korte, kaminda un akusado a reakshoná ekspresá su desgustu den sala di korte i pafó di e sala. Esaki ta loke algun persona a menshoná despues di e suseso. Hues Gruijters i fiskal M. Boheur tabata tratando kaso di un persona i dado momentu el a bira hopi agresivo. A yama polis i  3 a presentá na e sitio. E persona a reakshoná fuerte riba e polisnan, i apesar di e situashon, polisnan a kontrolá e persona sin mester a mishi kuné. Nan a aktua di tal forma pa trankilisá e persona i kontinuá ku tratamentu di e kaso. E kaso a kontinuá apesar di e tenshon ku e persona tabata pone. Final di e kaso e akusado a bandoná sala di korte hopi furioso. Polis simplemente a krea espasio pa e hóben bandoná e sitio. Sigur nan tabatin tur deber di e atendé ku man fuerte kontra e akusado. Sinembargo nan a usa un otro strategia i tur kos a bai bon. Mes kos ta e kaso kaminda hues i fiskal a trata e akusado ku hopi pasenshi den un situashon di tenshon den sala di korte. Algun persona tabata komentá despues di loke a sosodé siman pasa 12 di febrüari.  

Share This
error: Content is protected !!