KRALENDIJK – Edifisio di ‘Papa Cornes School’ despues ‘Kolegio Papa Cornes’ i awor den nan edifisio nobo ‘Skol Amplio Papa Cornes’ ta disparsé. Un reportero di Radio Live 99.9 FM a bishitá e sitio i a tuma nota ku ya a destruí práktikamente 50 porshento di e skol djamars 18 di febrüari. Resientemente a keda menshoná ku ta bai renobá un parti di e skol, sinembargo a eliminá un gran parti. Informashon ku Radio Live 99.9 FM ta disponé di dje ta ku e parti mas ariba di e skol bieu, ta keda. Intenshon ta pa tanten Kolegio Kristu Bon Wardador bini den e edifisio aki, mientras ta renobando e skol na Nikiboko. Despues Skol Pelikan lo bini na e sitio. Momentu ku un reportero di Radio Live 99.9 FM tabata na e sitio, un eks alumno di e skol a presentá pa tuma nota di e skol. El a reakshoná i a ekspresá bisando: ’Un doló sentimental, mirando kon a basha tur muraya di e skol ku mi a bai den pasado. Tristu pa mira, sinembargo esei ta e realidat,’el a ekspresá.

Potrèt ta duna un bista di e situashon.

Share This
error: Content is protected !!