KRALENDIJK— Hues a posponé kaso di James Finies den sala di korte awe, debí ku e komunikashon ku prokurador general i traduktor sinta na Kòrsou no tabata bon pa por a sigui tratamentu di e kaso. James Finies i abogado Marga van Lieshout so por a drenta den sala di korte huntu ku hues i fiskal. Despues di mas o ménos mei ora James i su abogado a sali for di sala di korte i  nan a papia ku prensa. Ta trata di e kaso kaminda a detené James miéntras e tabata manifestá ku algun persona mas, durante selebrashon dia di Boneiru 2019. Abogado Marga van Lies hout a papia i a menshoná riba pregunta di prensa e motibu ku no a pèrmití otro hende inkluso prensa, pa drenta sala di korte durante tratamentu di e kaso. “Ta trata di ‘Raadkamer’ i no ‘zitting’,abogado di James di ‘Nos Ke Boneiru bèk’ a menshoná. Seguidamente a papia James kende a menshoná ku loke a sosodé a sali  na nan fabor. “Ayera nos a risibí e reakshon di kon nan ta mira e kaso. Nos mester a risibí esaki for di aña pasa sinembargo ayera a entrega nos i no tabatin sufisiente tempu pa deliberá riba dje i ta bon prepará. Awor nos tin tempu te dia 3 di mart pa tuma nota di loke nan a deklará konta mi persona,”James a menshoná. El a sigui bisa:”Momentu ku e kaso tabata bai kuminsá fiskal Blanco a drenta sala di korte i a pidi nos pèrmit pa e sigui e kaso. Nos a splik’é bon kla kiko ta kiko,  loke a pone sali kara marga for di sala di korte. Nos a bis’é: Meskos ku niun otro hende di komunidat no por drenta sala di korte durante tratamentu di e kaso, fiskal tampoko no por ta presentá. Fiskal Blanco ta esun ku a tuma e posishon ku e ta kondenámi sin buska drechi di mi banda kiko a sosodé,” James a menshoná na prensa presente. 

Share This
error: Content is protected !!