KRALENDIJK — William Evertsz resientemente a  keda sertifiká na Dallas,Texas komo un di e mihónan di e grupo “instruktor di defensa propio”. William no ta un deskonosí na Boneiru i ya pa hopi aña ta den e mundu di entre otro bòkseo. E ta hopi aktivo ku muchanan pa loke ta trata e deporte di bòks na Boneiru. “Bon Boxing Fitness” ta un training di fitness kombina ku bokseo. Relashona ku e logro, William ta kuminsá duna lès di defensa propio durante siman kuminsando for di awor. Por tuma kontakto kuné pa un sita. E práktikanan ta tuma lugá djamars i djaweps “Bòkseo Fitness” entre 18:30 pa 20:00. E aktividat ta tuma lugá na JongBonaire den e sala di deporte. Ta importante pa siña kon pa protehá bo mes. Por tuma kontakto ku Evertsz na number di telefon +599 7772095 i pa medio di “Facebook, willy wolf”.


Share This
error: Content is protected !!