KRALEDIJK – Ayera mainta KVK a organisá un enkuentro ku prensa relashoná ku e aktividat ku nan a organisá e siman aki. Ta trata di un aktividat pa motivá, siña i guia hende pa kuminsá nan propio negoshi. E meta prinsipal ta, loke a keda menshoná pa stimulá e hende lokal mas tantu posibel. Kimberli Hoo di Aruba di e negoshi di  “Nursability”, tabata entre otro un di esnan kende a papia ku prensa relashoná ku e aktividat. El a splika ken e ta i kiko e ta hasi. “Si bo ta un hende ku a kuminsá ku negoshi, e aktividat di e siman aki ta hopi importante. Kere den bo mes i e kos ta kana i nunka entrega. Ta importante pa sera konosé ku otro hende. Gobièrnu por stimulá pa hende siña mas pa nan desaroyo. Tin hopi kos ku bo por siña pafó di skol ku bo no ta siña na skol,”Hoo a menshoná. Diferente persona mas a dirigí palabra i a menshoná ku nan ta interesá pa sera konosí ku mas hende na Boneiru. Meskos nan a menshoná ku nan ta partisipá nan aktividat loke ta siña nan hopi kon atendé ku negoshi.  

Gianni van den Heuvel di KVK a papia i konta ku nos hende lokal falta di informashon pa nan negoshi. “Pa e motibu aki nos ta partisipá e aktividat. Nos idea ta pa sigui sostené nos empresarionan. Si nan tin duda nos tei pa stimulá nan pa kontinuá.” 15 kompania ta partisipá di kua 8 ta di Boneiru. “Think Big, Start Small, Learn Fast”.

Share This
error: Content is protected !!