KRALENDIJK – Awe djarason 19 di febrüari alrededor di 07:50 di anochi un atrako a tuma lugá riba e kantor di number di Nos Strea na kaya Nikiboko Nort. Un tipo kara tapá i bou di menasa, a obligá e persona ku ta rekohé e tas ku plaka di benta di dia di e kantor di number pa duné tur plaka. Tabatin diferente testigu na e sitio ku a presensiá e atrako. Pues e tipo ku a komete e atrako aki tabatin e kantor di number i e persona ku ta rekohé e tas di plaka bon vigilá. Probablemente tabatin un vehíkulo kla pará ta warda e tipo aki pa hui bai for di e sitio. No ta konosí ahinda e kantidat di plaka ku a bai kuné. E kaso ta bou di investigashon.

FUENTE: LIVE FM.

NOTISIA KU BO POR KONFIA.

Share This
error: Content is protected !!