KRALENDIJK – For di imahennan di kamara di seguridat ku ta sirkulá riba medionan sosial i ku ta den poder di e tim investigativo di kuerpo polisial, por dedusí ku e kandela feros ku tabata tin awe mardugá na e loodsnan na kaya Industria Nort a wòrdu sendé intenshonalmente. Riba imahennan por mira bon klá kon un tipo kara tapá, ku un tshirt manga largu, karson kòrtiku, slòf na pia i ku un stòki na kandela den su man ta kana i pega tayernan na kandela. E kandela aki a sòru pa destrukshon na 4 loods, hopi molèster di huma i den promé instante tabata forma peliger pa edifisionan den serkania.
KPCN ne momentunan aki no ta dunando ningun informashon i tin un investigashon profundo tumando lugá pa un tim speshal di rishèrshi.

Share This
error: Content is protected !!