KRALENDIJK – Awe mardugá algu despues di 3’or, notifikashon a drenta na warda di polis ku tin un kandela grandi na un edifisio situá na kaya Industria Nort.
Mesora kuerpo di bombero i polis a aktivá i bai na e sitio.
Na yegada di e promé unidat mesora a sera e area pa motibu ku tabata tin eksploshon nan den e edifisio ku ta na kandela.
Ta trata di un lugá ku ta bende tayer ku tabata kompletamente na kandela. E kandela e ekspandé i pega e garashi di outo den su banda tambe.
Kuerpo di bombero a traha hopi duru pa kombatí e kandela i asta a manda pidi e ‘Crashtender’ ku ta usa na aeropuerto pa bin yuda kombatí e kandela grandi aki ku tabata menasa pa e otro edifisionan den besindario.
Ta basta kareda pa buska awa e trùknan di kuerpo di bombero mester a tira promé ku nan a logra dominá e kandela.
Ta trata di loodsnan di e kompania Car Tech i Car Service Center ku a kima por kompletu.
Ta papia di 3 loods ku a kima kompletu i un di kuater loods ku tambe a risibi daño kousa pa vlamnan di kandela.
Kousa di e kandela ta bou di investigashon.
Ta basta vehíkulo i tayer a kima den e kandela aki.

Share This
error: Content is protected !!