KRALENDIJK – Ayera a tuma lugá un enkuentro ku prensa kaminda e gezaghèber Edison Rijna, Milton Horn miembro di ‘Taskforce’ i Sebe Buitenkamp presidente di ‘Taskforce’ i miembro di stuurgroep a papia ku prensa. E tim tin e meta pa perkurá garantia pa loke ta trata kombustibel yega e isla di Boneiru. Gezaghèber Edison Rijna kende ta presidente di e grupo a dirigí palabra i a menshoná entre otro ku pa produkshon di awa i koriente Boneiru ta dependé di BOPEC. “Aktualmente tur hende sa ku e situashon pa Boneiru risibí kombustibel for di Venezuela ta difísil. E situashon aktual ta perhudiká nos. A inisiá un trayekto nobo kon pa yega na kombustibel momentu ku definitivamente no ta posibel mas pa medio di BOPEC. Ta trata di un proseso ku ya a kuminsá. Nos ta atendiendo ku un kompania na Merka esnan ku ta atendé ku esaki pa nos haña kombustibel for di Merka. Nos ta atendé e asuntu aki trempan pa nos tin un siguransa ku tin kombustibel pa motornan sigui drai na ‘Contour Global’. Loke a sali den media sosial no ta e kaso tokante e waf na ‘Donky Beach’. Ta bai konstruí un área pa trùk por karga fuel for di eksterior parti pabou na e kura di aeropuerto. Ta bai pone un pipa èkstra kaminda ya e pir tei na ‘Donky Beach’ i pasa bou di tera bai kura di aeropuerto. Nada no ta bai kambia na e waf aktual, i e bich ta keda ku e situashon aktual. Si no logra pa keda kla pa risibí e ‘Heavy Fuel Oil’ for di Merka e otro opshon ta pa buska esaki na hermana isla Kòrsou for di Curoil. Ta trata di senario di emergensia si akaso no por sigui mas ku e situashon aktual na BOPEC.
Pa e motibu aki a kuminsá atendé diferente senario,”gezaghèber Rijna a menshoná. Otro persona kende a dirigí algun palabra tabata Sebe Buitenkamp presidente di ‘Taskforce’ i miembro di stuurgroep i Milton Horn kende ta miembro di ‘Taskforce’.
A papia tokante e situashon i e meta di e ‘Taskforce’. Simplemente ta palabra i keda pendiente no ta kuminsá ku e proseso nobo. Mester ta bon kla ku e playanan ta keda manera e situashon aktual ta. Hende por hasi uso di e área. Solamente ta bai krea un área spesial pa trùknan por yena kombustibel. E sitio ta na e kura di aeropuerto riba tereno aktual di aeropuerto, a keda menshoná.  


Share This
error: Content is protected !!