KRALENDIJK – Ayera djadumingu algu despues 7’or di anochi, outoridatnan polisial i ambulans a keda dirigí ku urgensia pa kaya Jiwiri den Chèfi unda un aksidente di tráfiko entre 2 pikòp a kaba di tuma lugá. Un di e pikòpnan despues di e impakto a aksidentá den kurá di un kas. Tres persona a resultá heridá. Unu mas grave ku otro. A manda pidi presensia di kuerpo di bombero tambe na e sitio pa duna un man pa saka e persona nan heridá for di den e vehikulonan envolví. Ku ambulans a transportá e heridonan pa hospital San Fransisco. No ta eksluí e posiblidat ku dunamentu di preferensia ta kousa di e aksidente aki. E investigashon pa determiná kousa eksakto di e aksidente ta kontinuá.

Share This
error: Content is protected !!