KRALENDIJK – Ayera atardi lat pa anochi, muchanan a marcha den sentro di suidat pa despues kima Rei Momitu. E parada a sali for di stadion di Playa i pasa den algun kaya i regresá stadion. Muchanan tabata bunita bisti i dòrná na lus, pa ilustrá nan disfras anochi. Enzo Finies tabata e persona kende a sende e Rei Momitu na kandela den presensia di tur karnavalista i mirónes. El a tene un palu di kandela den su man i a supla airu for di su boka, suplando e vlam di kandela riba Rei Momitu. Un sende un kima manera ta bisa. Kombinashon di potrèt ta ilustrá parti di e parada i momentu ku Enzo a sende Rei Momitu na kandela.

Share This
error: Content is protected !!