KRALENDIJK – Awe djamars 25 di febrüari ta despedida di e temporada di karnaval 2020. Den oranan di atardi Rei momo a keda entregá na Fundashon Klave kende ta e organisashon ku ta organisá nos karnaval. Pa promé biaha ta traha e momo ku un haltura di 3.5 meter. 5 aña pasá na okashon di 40 aña di nos karnaval, a traha momo ku haltura di 3 meter.
E momo a wòrdu trahá pa Gilbertson Christiaan ku yudansa di su famia.
For di dia ku Herodini Junior a fayesé, e famia aki a tuma esaki over pa traha momo pa karnaval di Boneiru.
E famia a mantené e tradishon di Herodini, komo ku serka dje e famia a siña kon pa traha momo.

Kombinashon di potrèt ta na momentu ku algun miembro di Klave a presentá pa transportá rei momo.

Share This
error: Content is protected !!