KRALENDIJK – Djaluna 2 di mart ta bai kuminsá ku un aktividat  pa hendenan di edat, hòmber i muhé na sentro di Bario Nort Saliña. E mes un fecha ariba menshoná por inskribí pa partisipá. E dianan di e enkuentro ta djaluna, djarason i djabièrnè, kuminsando for di 10’or di mainta pa 5’or di atardi. Tur bia ta bai organisá un tema diferente. E aktividat ta grátis inkluyendo transporte pa e sitio i regresá kas. Un bia pa luna ta hasi un paseo riba kaya. Por tuma kontakto ku Suny Makaija, direktor di Suny Thuiszorg na number di telefon 7805551. Facebook ta:sunythuiszorg zorg aan huis, i email ta:sunythuiszorg@live.nl.  Si tin kualke instansia òf persona ku ta deseá pa kontribuí ku un donashon ta mas ku bon bini.  

Share This
error: Content is protected !!