KRALENDIJK – Despues di temporada di fiesta, a yega un tempu serio: Kuaresma. Laga nos tuma e tempu na serio i drenta den bo ser humano pa investigá kon abo por rekonsiliá bo ku Dios i bo próhimo. Relashoná ku apertura di e temporada di kuaresma, ku ta dura 40 dia, tur tres parokia katóliko riba e isla Boneiru tabatin diferente selebrashon di Santu Sakrifisio di misa, djarason di shinishi. Radio Live 99.9 FM a kubri e selebrashon na parokia La Bírgen di Coromoto ayera anochi.

Pader Alphonsus Baak a inisiá e predikashi papiando tokante e malesa di ‘Coronavirus’ i mester prepará si akaso e yega Boneiru. “Den kuaresma nos tin ku hala rosea nobo i limpi pa un bida nobo. Den promé lektura ta bisa: Kibra boso kurason, i no boso bisti. Bolbe serka Señor, boso Dios. Den kuaresma bo no mester ta tristu, sino kontentu. Hesus a drenta den desierto i Spiritu Santu a gui’é. Laga Spiritu Santu guia nos kaminda, pa nos tin un bida nobo.

Pa bolbe serka Dios mester tuma desishon, i konsentrá kiko bo ke.

Pueblo di Boneiru nos por krea un dushi bibá. Di tera nos a bin di tera nos ta bai. Pone máskara di tapa nanishi i boka un kantu, i ta sigur di nos mes, laga Spiritu Santu traha,” entre otro pader Baak a menshoná.

Danki na Solange Chirino kende a saka mayoria potrèt durante Santu Sakrifisio di misa di shinishi.

Share This
error: Content is protected !!