KRALENDIJK – Djadumingu último alrededor di 12’or di mèrdia a drenta notifikashon ku un boto a hañe ku problema i a pega na kosta. E piskadónan aki tabata riba laman i dado momentu e liña di piska a pega den chapaleta di e boto. Esaki a pone ku e motor a stòp di funshoná optimal. Mesora e piskadónan aki a tira anker i ni unratu despues e kabuya di e anker a kibra i ku konsekuensia ku e boto a keda drif i a bai pega na kosta na parti oost di nos isla. E boto a risibí daño. Ta trata aki di e boto NB608. Mester a hasi uzo di kran pa por a saka e boto for di laman. Danki Dios tur persona abordo a keda sano i salvo.

Share This
error: Content is protected !!