KRALENDIJK – Fin di siman tras di lomba tabatin e promé torneo di biar promé “Ranking” bola 9 hubenil 2020 rumbo Panamerikano.
Djasabra 29 febrüari tabatin e kampionato di biar ku a tuma lugá na kas di Ezzard Èzi Semeleer. 7 hóben a partisipá den e promé torneo, pa despues ta kontinuá ku dos mas pa saka ganadónan ku ta bai representá Boneiru den eksterior. Ta trata di hóben te ku 18 aña ku por partisipá den e torneo. E hóben mester a hasi 18 aña den 2020 i no den 2019, loke ta e regla pa por partisipá. Tin un torneo di bola 9 mas i e di tres torneo ku nan mester partisipá den dje ta bola 10. For di e tres weganan ta saka number 1 i number 2 i posibel number 3 ku ta bai kompetí den weganan di Panamerikano 2020, “Èzi” a konta un reportero di radio Live 99.9 FM, ku tabata presentá na komienso di e torneo. Momentu ku a saka potrèt tabata hungando Joshua Winklaar i Igmar Anthony den e promé wega di e torneo. Ta di 7 aña konsekutivo ku “Èzi” ta organisá e aktividat. Resultado di e promé torneo Ranking bola 9 hubenil 2020.

Semifinal: Roclin -Joshua 5-3. Jurdison-Roclin 0-6. Kampeon Roclin Martis. Sub kampeon Jurdison Josephia. 3 lugá Joshua Winklaar i di 4 lugá Silvano Mersera.

Share This
error: Content is protected !!