KRALENDIJK – Djasabra i djadumingu fin di siman tras di lomba a tuma lugá e tèst di glas skur, pa loke ta trata regla nobo di tráfiko ku 1 di mart 2020 a drenta na vigor. “Winshil” di un vehíkulo i e glasnan di banda na e parti dilanti di outo mester kumpli ku e norma di 35% pa loke ta trata e kantidat di lus ku nan ta laga pasa. Entidat Públiko Boneiru a organisá fin di siman tras di lomba un momentu kaminda outomobilista por a tèst nan glas di outo. Djadumingu un reportero di Radio Live 99.9 FM tabata na e lugá di stashoná outo dilanti di Stadion di Playa kaminda e tèst a tuma lugá. Kantidat di outo tabata presente i diferente pregunta tabatin pa esnan kende ta kontrolá relashoná ku e kòntròl.

Share This
error: Content is protected !!