E PERSONA KU TA BIBA DEN E KAS A LOGRA SALI NA TEMPU.

Awe marduga algu despues di 5 am outoridatnan polisial y kuerpo di bombero ta risibi melding ku lo mester tin un kas na kandela na kaya A.A. Emerenciana na Nikiboko.
Kuerpo di bombero y polis a yega rapido na e adres y mesora personal di kuerpo di bombero a kuminsa paga e kandela parti patras y tambe parti dilanti di e kas.
A hasi uzo di 2 vehikulo di kuerpo di bombero pa kombati e kandela.
E uniko persona ku ta biba den e kas ku ta un meneer ku tin su edat a logra sali na tempu for di e kas na kandela.
Parti patras di e kas e muraya a basha aden pa motibu di e kandela.
Aunke a logra paga e kandela despues di un ratu esaki no a kita tog ku e kas a keda destrui pa e kandela.
Brandweer y polis ta investigando kousa di e kandela.

FUENTE: AIMED AYUBI.

NOTISIA KU BO POR KONFIA.

Share This
error: Content is protected !!