Kralendijk – Boneiru ta bai traha mas estrechamente huntu ku e ret Hóben, sa bo peso adekuá (Jongeren op Gezond Gewicht – JOGG). Esaki ta resultado di un bishita di trabou ku e direktor di Direktorado di Komunidat i Kuido, sra Silvana Janga-Servilia i e hefe di departamentu di Salubridat Públiko, sra Alcira Janga-Jansen a hasi na Den Haag. Durante e bishita di trabou meimei di luna di febrüari e direktor i e hefe a sera konosí ku e direktor nobo di JOGG, Marjon Bachra. Na aña 2019 diputado Nina den Heyer i sekretario di estado Blokhuis a firma un Akuerdo pa Deporte i Prevenshon (Sport en Preventie Akkoord). E koperashon mas estrecho entre JOGG i Boneiru ta resultado di e akuerdo aki. 

JOGG (Hóben, sa bo peso adekuá) tin komo meta pa stimulá hóbennan pa biba mas salú. E énfasis ta riba alimento salú, sufisiente moveshon, rekreashon i drumimentu. JOGG ke pa tur mucha i hóben krese i lanta den un ambiente salú. For di luna di òktober 2013 ofisialmente Boneiru a bira un ‘munisipio JOGG’ i nos isla ta haña sosten di e ret aki.

Na aña 2019 ya kaba a pone sierto pasonan pa yega na un koperashon mas estrecho. Por ehèmpel for di novèmber 2019 tin un konsehero di JOGG na Boneiru. E konsehero ta sostené Boneiru i ta duna konseho tokante e manera pa yega na un estilo di bida salú pa nos hóbennan i muchanan na Hulanda Karibense. E meta ta pa konhuntamente ku tur organisashon yega na un atendementu korekto pa muchanan ku sobrepeso i obesidat.



BONAIRE WERKT NAUWER SAMEN MET JOGG

Kralendijk – Bonaire gaat nauwer samenwerken met het netwerk Jongeren Op Gezond Gewicht, JOGG. Dat is het resultaat van een werkbezoek in Den Haag van directeur Samenleving en Zorg Silvana Janga-Serfilia, en hoofd Publieke Gezondheid Alcira Janga-Jansen aan Den Haag. Tijdens het werkbezoek in medio februari, hebben de directeur en het hoofd kennis gemaakt met de nieuwe directeur van JOGG, Marjon Bachra. In 2019 hebben  gedeputeerde Nina den Heyer en staatsecretaris Blokhuis een Sport en Preventie akkoord getekend. De nauwere samenwerking tussen het JOGG en Bonaire vloeit uit dat akkoord.    

Het JOGG heeft als doel jongeren te stimuleren om gezond te leven. De nadruk ligt op gezonde voeding, voldoende beweging, ontspanning en slaap. Het JOGG wil dat alle kinderen en jongeren in een gezonde omgeving opgroeien. Sinds oktober 2013 is Bonaire officieel een JOGG gemeente geworden en krijgt het eiland steun van dit netwerk.  

In 2019 zijn al stappen gezet om tot een nauwere samenwerking te komen. Zo is er sinds  november 2019 een JOGG-adviseur op Bonaire. De adviseur ondersteunt Bonaire en brengt advies uit over de manier om tot een gezonde levensstijl voor jongeren en kinderen in Caribisch Nederland te komen. Het doel is om samen met alle organisaties te komen tot een juiste aanpak voor kinderen met overgewicht en zwaarlijvigheid.  


Share This
error: Content is protected !!