DESISHON 17 DI MART TA DETERMINÁ KONTINUASHON DI KASO JAMES FINIES SI ÒF NO

Written by on

KRALENDIJK — James finies di “Nos ke Boneiru Bèk” ayera a presentá dilanti hues pa trata mentu di kaso relashoná ku supuesto detenshon di su persona ilegalmente. Poko despues ku James a yega na ‘Fort Oranje’, abogado Marga van Lieshout a presentá i huntu nan a drenta sala di korte Henk W. Welvaart. Huntu ku nan tabata presente Arien de Wolff, kende a fungi komo traduktor pa Finies. Algu mas ku mei ora despues e kaso a tèrminá, Finies i e abogado van Lieshout a papia ku prensa. Finies a dirigí palabra na prensa i a menshoná ku prokurador general ta bisa ku e kaso no ta nesesario pa trat’é den korte.”Apesar ku mi ta sinti ku nan a atendé ku ami persona ilegalmente, huesnan no ta mira ku mi por duna mi banda di loke a sosodé. Loke a sosodé dia 6 di sèptèmber 2019 mi no ta kontentu kuné, pasobra e karta ta splika bon kla ku mi mester a para ‘tegenover’ di e podium na Parke Wilhelmina i e polis a obligámi pa mi para riba e podium. Polis a pidimi pa bai for di e sitio loke mi a hasi i na momentu ku nan a detenémi, esta pone bui na mi man, mi a djis tene na e kura di e edifisio di gobièrnu pa mi no a kai, ta bisa ku mi a resistí kontra polis loke no ta bèrdat. Tin grabashon ku ta ilustrá eksaktamente kiko a sosodé dia 6 di sèptèmber 2019,”entre otro Finies a menshoná.  

Abogado van Lieshout a papia i a menshoná ku por bira imposibel pa sigui tratamentu di e kaso. Si Hof no bai di akuerdo pa duna balor na e kaso tur kos ta kaba dia 17 di mart. Esaki no ta kita ku loke a sosodé ku Finies, no ta hustu pa e bai dilanti di hues i papia. Awor a skucha ámbos partido i 17 di mart nos ta risibí desishon di Hof. E desishon di 17 di mart ta sea ta bai trata e kaso i ta pèrsiguí Finies, òf ta bisa e no ta nesesario i ta sera e kaso na e momentu,”abogado di Finies van Lieshout a menshoná.   

Share This

Current track

Title

Artist

error: Content is protected !!