KRALENDIJK—Erica Mercera durante entrega plaka mérito na deportistanan di 2019, el a konta kon Steven D. Littman (q.e.p.d.)a yega Boneiru. Ta e persona kende sèmper a kontribuí pa e rekonosementu di e programa organisá pa Erica.”Steven a nase na Philadelphia, Pa na 1944, 3 di òktober. Steven i e esposa Esther Littman sèmper tabata konsiderá komo miembro adorá na komunidat di Boneiru.  Nan a yega Boneiru komo un pareha hóben, resien kasa, muchanan chikí, harma solamente ku soñonan pa kuminsá un bida nobo i pa hasi loke nan tabata stima.

Komo un Merikano den añanan 60, Steven a sali pa deskubrí ku amigunan e islanan presioso di e laman Karibe. Su amor pa kosnan bunita i e kuriosidat pa kon yega na kalidat di trabou, E kuriosidat di sa mas di e piedranan presioso. Steven su defuntu Tata tabata kontentu ku e desishon di bai studia na California. Despues di a kumpli ku esaki i risibí diploma, e skol mes a hink’é den kontakto ku Charles Fuhrman, awor defuntu, kende e tempu aya tabata di “Spritzer and Fuhrman ”, e temporada aya 33 filial,” Erica a menshoná. El a sigui konta:”Esther tambe tabatin e deseo pa deskubrí mundu. Despues di tres siman riba un barku for di Hulanda, e la yega St. Maarten na 1966. E tabata yùfrou di skol i tabatin gana den un bida nobo den un klima kayente. Hopi mucha tabata papia solamente ingles, crole i su trabou tabata pa siña nan papia i skirbi hulandes, sinembargo promé ingles riba nivel.

Steven su fishi i manera di biba tabata loke ku e a spera. Un negoshi ku tin un bon puesto den un kompania grandi ku hopi bishitante i klientenan fiel. Porfin S&F a ofresé Steven un trabou na Head Qurters na Kòrsou, Boneiru a kai bou di posishon di Steven, pa loke ku ta trata S&F i mesora e la kai stima ku e isla su ritmo. Steven a yega di bisa “Charles Fuhrman” :si bo laga S&F bai, ami ta deseá di kuminsá un negoshi dimi mes na Boneiru. Despues ku nan yu a nase, nan a move pa Boneiru na  1979. Esther a kuminsá trabou komo yùfrou di skol i Steven tabata tira bista riba e yunan. Mientrastantu e tabata trahando un plan pa kuminsá un negoshi. Su vishon tabata kla pa krese  despues di dos aña.

Steven i Esther ta habri  porta di nan negoshi na 1981, 4 di yüli pegá ku pòstkantor. Nan no por a yena merkansia kompletu den e tienda, debí ku no tabatin fondo sufisiente. Komunidat tabata chikitu pa kumpra hopi prenda. Loke a hasi e diferensia entre Littman i otro tiendanan ku ta bende oro, solamente e tabata drecha oro. E parti di drecha oro a bira e fundeshi di éksito pa nan tienda.

Tur loke ku no por a drecha aki nan Bonaire, e tabata bai pa defuntu Jules Heit, i sobra tabata manda Merka, kaminda ku defuntu Marshall Littman tabata drecha nan ku su eksperensia. Awor establesé na Boneiru Steven tabata kana ku su yu den Wilhelmina Park i momentu un turista drenta e tienda, e ta kore bai ku yu na man pa atendé e turista.

Bida tabata dushi sinembargo negoshi no tabata hopi. Marshall a puntra Steven dikon bo no ta bai Merka, no tin nada na Boneiru, ku no ta solamente kabritu ta kana bai bin den kaya. Steven reakshoná i bis’é:Boneiru ta e lugá apropiá pa desaroyá mi personalidat i e lugá perfekto pa lanta mi famia.

Na 1986 e famia Littman ta kumpra e edifisio históriko den sentro di suidat, alrededor di Kaya Grandi serka famia Newton. Nan a pone un kondishon i Steven sèmper a mantené loke nan a pidi. Kara di e edifisio mester keda manera e ta. Un momento orguyoso a yega na 1999 Kaminda Littman’s a keda skohe pa representá e marka renombrá di oloshi Rolex na Boneiru, e tempu aya formando parti di antia Hulandes,”Erica a menshoná.

Share This
error: Content is protected !!