KRALENDIJK – Ayera anochi un bia mas polis tabata aktivo pa atendé ku esnan ku ta stashoná outo inkorekto den sentro di suidat. Por lo ménos 2 vehíkulo tabata parker kaminda no ta destiná pa pone outo. Polis a presentá na e sitio i a atendé ku e personanan ku tabata manehá e outonan. A pidi asistensia di kran pa yuda kita e outonan for di e sitio ku nan tabata stashoná inkorektamente. Di malu a toka un shofùr na momentu ku el a drenta e kaya dilanti di ofisina prinsipal di gobièrnu for direkshon kontrali. Polis ya tabata na e sitio i a drenta den e outo huntu ku e shofùr pa atendé loke el a hasi, ku ta kontra di regla di tráfiko. Ta importante pa outomobilistanan tene kuenta pa aktua korekto den tráfiko, pasobra polis ta ku wowo skèrpi pa loke ta trata kòntròl riba kaya den tráfiko.

Share This
error: Content is protected !!