Pa: Fittipaldi Pietersz

Spiritu ta tuma kab’é boto entre sabana piedra krus pa Tanki Maraka segun un kompai di trai montaña a konta.

“Ta hopi papia ku e Kaya ku ta kondusí Playa i Rincon entre Tanki Maraka pa subi di Colombia, spiritu ta tuma left sea den outo òf tambe riba motosaikel, e kompai a bisa.    

E ta sigui,“Hopi a yega di pasa den kos straño kaminda nan ta bisa den bisindario di Sabana Piedra Krus nan a sinti ku tin un hende a sinta patras den outo. Esaki ta algu ku bo no ta mira, sinembargo bo ta haña tur sentimentu i impreshon ku tin un alma mas huntu kubo den e vehíkulo. Ora bo yega den bisindario di tanki Maraka ta sinti ku e spiritu a bandoná e vehíkulo. Riba motosaikel tambe nan ta bisa ku e área aki, nan ta sinti ku e motosaikel ta bira pisa, esta un sentimentu kaminda ta sinti ku tin un hende sinta bo tras. Esaki ta loke diferente bes mi a yega di tende hende papia di dje,”e kompai ta konta.

“Ántes ami i un grupo di amigu tabata trein kore na pia entre seru largu pa trai montaña esaki den oranan trempan di mainta, pues skuritu. Un di e biahanan ei ora nos tabata bayendo direkshon di kas na altura di Tanki Maraka tabatin un palu di watapana. Un sombra di un hende tabata tras di e palu i segun nos tabata kana e sombra tabata skonde drei rònt di e palu pa nos no mira e hende sino solamente su sombra.   

Despues di e dia aki nos a spanta i no a sigui trein mainta trempan mas ora ta skur,” e kompai a konta. 

Share This
error: Content is protected !!