KRALENDIJK – Di parti di “De Nationale Ombudsman” e ta duna rason na eks polítiko Ramonsito “Monchi” Booi kaminda ministerio Públiko a faya drástikamente den  investigashon. E investigashon riba Ramonsito a tuma un tempu hopi largu. “De Nationale Ombudsman” a tuma e keho di Ramonsito kontra di ministerio públiko i a investigá 2 aña i mei pa wak e puntonan ku Ramonsito  a trese dilanti, si Raonsito Booi tin rason si òf no. A konstatá ku na vários situashon den e kaso ministerio públiko a faya ku Ramonsito. E kaso tabatin un impakto fuerte pa loke ta trata Booi kende tabata den polítika. Ministerio públiko a aktua inkorekto den e kaso i a kuminsá un investigashon riba Ramonsito kaminda tabatin otro polítikonan tambe enbolbí, kendenan tabata akusá Ramonsito riba supuesto labamentu di plaka i froude.  Despues di hopi aña di investigashon, hues a deklará tantu Ramonsito i Burney El Hage liber di tur akusashon ku tabatin den nan kontra. E sistema ku ministerio públiko a traha, e kaso a kousa un impakto riba bida di Ramonsito. E kaso a tuma hopi aña. A bin dilanti ku loke mas a pisa, despues ku e kaso a keda trata na 2010, a bin un desishon pa seponé e kaso. Sinembargo e oponente polítiko di e tempu aya, despues ku hues a disidí ku ta stòp e investigashon, a pidi pa kontinuá ku investigashon den e kaso. Na 2015 a deklará liber di tur akusashon. Ramonsito komo polítiko a risibí gòlpi, i e situashon finansiero a keda afektá debí ku e investigashon a tuma inmensamente hopi tempu. 2017 mirando kon a atendé ku Ramonsito den korte inhustu, el a entrega un keho na ministerio públiko. Ministerio públiko no a bai den hopi detaye di e keho, simplemente a menshoná ku bèrdat por a atendé di otro manera. Mirando e reakshon Ramonsito a duna un keho kontra ministerio públiko na “De Nationale Ombudsman”. E investigashon a tuma 2 aña i mei “De Nationale Ombudsman” a duna Ramonsito rason riba tur 7 akusashon kontra ministerio públiko. Di parti di abogado di Ramonsito ta bai eksigí di daño di perwisio pa loke a sosodé. Loke a tuma lugá tabatin impakto fuerte riba bida di Ramonsito i famia.     

Share This
error: Content is protected !!