KRALENDIJK – Clark Abraham huntu ku 2 miembro di partido polítiko Demokrat, djabièrnè último a entrega un keho kontra gezaghèber relashoná ku falsifikashon di dokumentu. Frakshon di Demokrat konsistí di e lider Ambraham, Micheal Pieters i Rolanda Hellburg-Makaay djabièrnè atardi a presentá na warda di polis i a entrega karta di keho kontra gezaghèber Edison Rijna na polis. Segun loke nan a pone den e karta tokante gezaghèber Rijna, ta relashoná ku falsifikashon di dokumentu, na momentu di publikashon di ordenansa di lei nobo di tráfiko riba karetera, ku kambio proponé pa konseho insular resientemente.  Abraham a menshoná ku e karta ku a keda publiká 5 di mart 2020 pa medio di gezaghèber no ta kuadra kompletamente ku kambionan ku konseho insular a bai di akuerdo kuné. Gezaghèber a hasi kambio den e ordenansa, sinembargo tin algun kos ku no ta manera a palabra. Esaki no ta korekto, Abraham a menshoná. A informá gezaghèber ku no ta posibel pa hasi kambio riba propio inisiativa. Konsientemente el a aktua inkorekto, Ambraham lider di Partido Demokrat a bisa prensa promé ku el a entrega e karta na polis.  

Share This
error: Content is protected !!