KRALENDIJK—Fin di siman tras di lomba a organisá e di 18 edishon di Walk-A-Thon. Ta trata di e aktividat organisá pa “Special Olympics Bonaire”. E aktividat a inisiá 5’or di mardugá manera ta e kustumber na Saliña pega ku kasnan di katibu i ta tèrminá na “Pasadia Kariño Rincon”. Por a partisipá ku baiskel i bai e ruta na pia. Un bia mas e aktividat tabata bon bishita. No ta un kompetensia, sino un partisipashon i kontribuí na esnan ku mas mester di nos yudansa. Un tiki prèt, sinembargo e subi di karpata ta keda algu ku ta rekerí hopi preparashon di kondishon. Miéntras un reportero di Radio Live 99.9 FM tabata subi e seru, por a tende otronan ta keha i hala rosea manera nan ta bai  pèrdè rosea. Hopi hende momentu di subi seru di karpata a duna e siña di baiskel un rosea, miéntras nan tabata kana ku baiskel na man. Importante ta, tur partisipante a kontribuí na nan kondishon i aportá pa un bon kousa. Kombinashon di potrèt ta ilustrá un parti di e aktividat, spesialmente esnan riba baiskel.



Share This
error: Content is protected !!