KLIENTE MALKONTENTU TA BLÒKIA ENTRADA DI TELBO

KRALENDIJK – Un kliente di TELBO di bario Kibrahacha ta hopi malkontentu ku servisio di TELBO. Alvin a presentá na ofisina di Radio Live 99.9 FM pa ekspresá su malkontentu pa e servisio di TELBO. “E problema ta ku TELBO a pone un kabel riba tera i konstantemente outo ta pasa ariba i destrosá e kabel. A informá TELBO di e situashon debí ku e señal di televishon i Internèt no ta funshoná bon pasobra e kabel ta kibra. Nan a bisa ku ta bai atendé e kabel sinembargo nan no a asumí nan responsabilidat. Mi mes a bai na ofisina di TELBO i aya mi a blòkia e entrada pa mustra nan ku e trato ku nan ta duna, no ta korekto. Momentu ku un persona ta keda sin paga TELBO, ku nan  rason ta deskonektábo for di sistema loke ta nan derecho. Pues ami sèmper a paga bon i mi tin derecho pa haña servisio korekto. Loke TELBO ta hasi ta abusá di kliente.

Servisio ta laga hopi di deseá. Nan ta drech’é awe mayan e ta daña, debí ku outo ta pasa riba e kabel i kibr’é,”Alvin a konta. El a bisa nan ku e ta bai Radio Live 99.9 FM pa públikamente menshoná e mal servisio di TELBO pa kliente.

Share This
error: Content is protected !!